ಹನಿಗಳ ಹಂಗಿನಲ್ಲಿ...

ಚಿಗುರೆಲೆಯ ಕೊನೆಯಲ್ಲಿ ನಿಂತ
ಹನಿಗೆ ಶಿಲೆಯಾಗುವ ತಪಸ್ಸು
ಹನಿಗಾಗಿ ಕಾದಿರುವ ಭುವಿಗೆ
ಬಂಧವಾಗುವ ಸಂಭ್ರಮ

#####

ಹಾಲು ತುಂಬಿದ ಬಟ್ಟಲಲ್ಲಿ
ಚಂದಿರನ ಬಿಂಬಕ್ಕಾಗಿ ಕಾದ
ಚೆಲುವಿಗೆ ತಾನೊಂದು
ನಕ್ಷತ್ರವೆಂಬ ಬಿಂಕವಿರಲಿಲ್ಲ
ಮೆರವಣಿಗೆ ಹೊರಟ
ಸಾಲಿಗ್ರಾಮದ ಶಿಲೆಗೆ
ಮೂರ್ತರೂಪದ ಹಂಗಿರಲಿಲ್ಲ

#####



ನದಿಯ ಲಹರಿ ನೋಡಿದ್ದಿಯಾ
ಇಳಿಬಿಟ್ಟ ಕಾಲಿನ ಬೆರಳು
ಚುಂಬಿಸಿ ಹೋದ ಅಲೆಯ ಕೇಳಿದೆ
ನೆನಪು ಮಾಡಿಕೊಂಡಳೆ ಗೆಳತಿ
ನಸುನಕ್ಕು ಮತ್ತೊಮ್ಮೆ ಕಲರವವಾಯ್ತು

#####