ಇವರಿಂದ -

ಸೋಜಿಗ

ಕಡಲ ತಡಿಯಲ್ಲಿ ಹೂವಿನ

ಪಕಳೆಗಳನ್ನು ಸುರಿದು

ಕಡಲು ಪನ್ನೀರಾಗುವ

ಸೋಜಿಗಕ್ಕಾಗಿ ಕಾದಿದ್ದೇನೆ

ಮಳೆಸುಖ

ಮುಂಗಾರು ಮೋಡದ ಉಯ್ಯಾಲೆ ಕಟ್ಟಿ

ಮಳೆಗಾಗಿ ಕಾತರಿಸಿದ್ದೇನೆ

ಮಲ್ಲಿಗೆ ದಂಡೆಯ ಚಿಂತೆ ಬಿಡು

ಮಣ್ಣಿನ ಘಮಲಿನ ಮಣಿ ಪೋಣಿಸುವೆ





ದಾಹ

ಹಾಲಿನಂತ ನೊರೆಯ ಬಿಟ್ಟು ಹೋಗಿವೆ

ಕಡಲ ಅಲೆಗಳು ಆದರೂ

ತೀರಕ್ಕೆ ಅದೆಂಥ ದಾಹ

ಕೆನ್ನೆಯ ಮೇಲೆ ಒಡೆದ ಬೆವರ

ಹನಿಗಳನ್ನೆಲ್ಲ ನಿನ್ನ ಬೆರಳ ತುದಿ

ಹೀರಿಕೊಂಡಂತೆ!


ಚಂದ್ರಮನಿಗೆ..



ಹಾಲಲ್ಲಿ ಕರಗಲಾರೆ ಎನ್ನುವ ಸಿಹಿ ಜೇನೇ
ನೀರಲ್ಲಿ ಬೆರೆಯಲಾರೆ ಎನ್ನುವ ಸಕ್ಕರೆಯೇ
ನನ್ನದೆಯ ಆಕಾಶದಲ್ಲೇ ಬಚ್ಚಿಟ್ಟುಕೊಂಡು
ಕಣ್ತಪ್ಪಿಸುವ ಚಂದ್ರಮನೇ...


ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ನಕ್ಷತ್ರಗಳನ್ನು ಹಾಸಿದವಳು...

ಇವರಿಂದ -
ಇಮೇಜ್
ಮಿಕ್ಸಿ ಇರಲಿಲ್ಲ, ಹಿಟ್ಟಿನ ಗಿರಣಿಯೂ ಇಲ್ಲ ರಾತ್ರಿ ನೆನೆ ಹಾಕಿದ ಅಕ್ಕಿ ಬೆಳ್ಳಿ ಮೂಡುವ ಹೊತ್ತಿಗೆ ಸೆರಗು ಸೊಂಟಕ್ಕೆ ಸಿಕ್ಕಿ ರೊಟ್ಟಿಯ ಹಿಟ್ಟು ಕಟ್ಟಿದ್ದಾಯಿತು ಕೆಂಡದ ಮೇಲೆ ಸುಡುವ ರೊಟ್ಟಿ ಅಮ್ಮನ ಕಣ್ಣಲ್ಲಿ ನೀರು ಅಡುಗೆಮನೆ ಮೆಟ್ಟಿಲ ಮೇಲೆ ಹಸಿದು ಕೂತವನು ನಾನು ಸೆಗಣಿ ಅಂಟಿದ ಕೆಚ್ಚಲು ಸಾಕಾಗದು ಒಂದೇ ತಂಬಿಗೆ ನೀರು ಇನ್ನೊಂದು ಬಿಂದಿಗೆ ತಾ ಅಂದವಳು ಕೆಂಪಗಿನ ಕೆಚ್ಚಲಿಂದ ನೊರೆ ನೊರೆಯ ಹಾಲು ಅಂಡು ಊರಿಸಿ ಕತ್ತು ಇಣುಕಿಸಿ ಕಣ್ಣು ಪಿಳಿ ಪಿಳಿ ಹೀಗೆ ಕಾದವನು ನಾನು ಸೀಳಿದ್ದ ಒದ್ದೆ ನೆಲದೊಳಗೆ ಗೊಬ್ಬರ ಸಿಬರು ಸಿಬರಿನಂತೆ ಪುಷ್ಯಮಳೆ ಹಾಳೆಯ ಮೇಲೊಂದು ಗೊರಬು ಬಿತ್ತಿದ್ದು ನೆಲಗಡಲೆ ಬೀಜ ಓಲಿ ಕೊಡೆಯೊಳಗೆ ಕುಂತು ಮಣ್ಣಿನ ಘಮಲನು ಕುಡಿದು ಅಮ್ಮ ಇರಿಸಿದ ಜೀವವು ಇನ್ನು ಮೊಳಕೆಯೊಡೆಯದೇ ಹೇಗೆ ಉಳಿದೀತೆಂದು ಬಿಮ್ಮನೆ ಸಂಭ್ರಮಿಸಿದವನು ನಾನು (ನಾ ತೆಗೆದ ಅಮ್ಮನ ಫೋಟೊಗಳು..) ಬಾವಿಕಟ್ಟೆಯ ಮಗ್ಗುಲಲಿ ಪಾರಿಜಾತದ ಗಿಡವಿತ್ತು ಬೈಗು ಹರಿದರೆ ಸಾಕು ಕಸುಬನ್ನೆಲ್ಲ ಬಿಸಾಕಿ ಸೆರಗ ತುಂಬಿಕೊಳ್ಳುತ್ತಿದ್ದಳು ಕೆಂಪು ನತ್ತಿನ ಸುಂದರಿಯರ ಜಗಲಿಯ ತುಂಬ ನಕ್ಷತ್ರ ರಾಶಿ ಮನೆಯ ಮೂಲೆ ಮೂಲೆಗೂ ಜೀವಸೆಲೆ ಘಮದ ನೆಯ್ಗೆ ಕಟ್ಟಿದವನು ನಾನು ಕತ್ತಲ ಕಳೆವ ತತ್ವಮಸಿ ಇವಳಲ್ಲ ಮಸಿ ಕಚ್ಚಿದ ಲಾಟೀನು ಬೂದಿಯ ಸೆಳಕಿಗೆ ಸಿಕ್ಕು ಹೊಳಪು ಕೊಟ್ಟವಳಿವಳು ಬೆಳಕ ಕಣ್ಣಿಗೆ ಕಣ್ಣು ನಿರುಕಿಸಿ ಅವಳ ನಿಟಿಲ ಗೆರೆಗಳನು ಓದದೆ ಮರೆತುಬಿಟ್ಟವನು ನಾನು (ಇವತ್ತು -ಮೇ 8- ಅಮ್ಮನ ...
ಇನ್ನಷ್ಟು ಓದಿ

ದೇವಲೋಕದ ಬಾಗಿಲಲ್ಲಿ ನಿಂತು…

ಇವರಿಂದ -
ಇಮೇಜ್
ನೀವು ಯಾವುದಾದರೂ ಪೌರಾಣಿಕ ಚಿತ್ರಗಳಲ್ಲಿ ಮೋಡಗಳ ರಾಶಿಯ ನಡುವೆ ದೇವರು ಪ್ರತ್ಯಕ್ಷ ಆಗುವುದನ್ನು, ಹಾಗೆ ಪ್ರಯಾಣ ಮಾಡುವುದನ್ನು ನೋಡಿರಬಹುದು. ಹಾಗೊಂದು ಮೋಡಗಳ ರಾಶಿ ಕೈಗೇ ನಿಲುಕಿ ಬಿಟ್ಟರೆ ಹೇಗಿರಬೇಡ? ಇಲ್ಲ, ನನ್ನ ಕೈಗೇನೂ ನಿಲುಕಿಲ್ಲ. ಆದರೆ, ಸಾಲು-ಸಾಲು ಪರ್ವತಗಳ ಮೇಲಿನಿಂದ ಹಿಂಡು-ಹಿಂಡು ಮೋಡಗಳ ರಾಶಿ ತೇಲಿ ತೇಲಿ ಹೋಗುವ ದೃಶ್ಯವನ್ನು ಕಂಡು ಮೂಕವಿಸ್ಮಿತರಾಗುವ ಭಾಗ್ಯ ಲಭಿಸಿದ್ದು ಕಳೆದ ವಾರ (ಅ.20.2010). ಸೆಪ್ಟೆಂಬರ್ ತಿಂಗಳ ಮಧ್ಯ ಭಾಗದಲ್ಲಿ ಮಂಗಳೂರಿಂದ ಬೆಂಗಳೂರಿಗೆ ರಸ್ತೆ ಮೂಲಕ ಪ್ರಯಾಣ ಮಾಡಿದಾಗ ಶಿರಾಡಿ ಘಾಟ್ ಸೊಂಟದ ನಡುವೆ ನಿಂತಿದ್ದಾಗ ಬೆಟ್ಟದ ತುದಿಯಲ್ಲಿ ರೈಲು ಹರಿದು ಹೋಗುತ್ತಿದ್ದ ದೃಶ್ಯ ಕಂಡು ಆನಂದಕ್ಕೆ ಪಾರವೇ ಇಲ್ಲದಂತೆ ಕುಣಿದಾಡಿದ್ದನ್ನು ಚಂದ್ರಮುಖಿ ಯಲ್ಲಿ ಬರೆದಿದ್ದೆ. ಇನ್ನೊಂದು ತಿಂಗಳು ಕಳೆಯುವುದರೊಳಗೆ ಅದೇ ರೈಲಿನಲ್ಲಿ ಹಗಲು ಪ್ರಯಾಣ ಮಾಡುವ ಭಾಗ್ಯ….! ಕುಂದಾಪುರದಿಂದಲೇ ಬೆಂಗಳೂರಿಗೆ ಬಸ್ಸು ಹತ್ತಬೇಕಾಗಿತ್ತು ನಮ್ಮ ಸಂಸಾರ. ಆದರೆ, ಊರಿಗೆ ಊರೇ ಬೆಂಗಳೂರಿಗೆ ಹೊರಟು ನಿಂತಂತಿತ್ತು.! ಯಾವ ಬಸ್ಸಿನಲ್ಲೂ ಸೀಟು ನಾಸ್ತಿ. ಸೀಟಿಗೆ ಆರುನೂರು ಕೊಟ್ಟರೂ ಇಲ್ಲ. ಹಾಗೆ ಎಲ್ಲರನ್ನೂ ಶಪಿಸುತ್ತ ನಾವು ಬಂದಿದ್ದು ಮಂಗಳೂರು ಅಕ್ಕನ ಮನೆಗೆ. ಮರುದಿನ ಬೆಳಗಿನ ಜಾವವೇ ಎದ್ದು ನಾವು ಹತ್ತಿದ್ದು ಮಂಗಳೂರು-ಯಶವಂತಪುರ ಟ್ರೈನಿಗೆ. ಎರಡೂವರೆ ಸೀಟು- ನಾವು ಕೊಟ್ಟ ಕಾಸು ಕೇವಲ 254 ರೂಪಾಯಿ. ಎಲ್ಲಕ್ಕಿಂತ ಹೆಚ್ಚಾಗಿ ನಮಗ...
ಇನ್ನಷ್ಟು ಓದಿ

ಶತಮಾನಗಳಿಂದ ಕನ್ನಡ ತಾಯಿಗೆ ಪೂಜೆ ಸಲ್ಲಿಸುತ್ತಿರುವ ಪ್ರಕೃತಿ-ಇದೇ ನಿತ್ಯೋತ್ಸವ...!

ಇವರಿಂದ -
ಇಮೇಜ್
ಕವಿಯಾದವನ ಎದೆಯಲ್ಲಿ ಒಂದು ಕಿಡಿಯಿರುತ್ತದೆ. ನಮಗೆ ಗೋವಿನ ಹಾಡು ಕೇಳಿದಾಕ್ಷಣ ಕಣ್ಣಲ್ಲಿ ನೀರು ಬಂದುಬಿಡುತ್ತದೆ, ಯಾಕೆ ಹೇಳಿ? ಅದು ನಮ್ಮ ಹೃದಯವನ್ನು ಕಲುಕುತ್ತದೆ. ಕಲಕದ ಸಂವೇದನೆ, ಕಾಡದೇ ಇರುವಂತಾದ್ದು ಸಾಹಿತ್ಯ ಅಲ್ಲ. ಇವತ್ತು ಬಂದು ಮಳೆ ಹಾತೆಗಳ ರೀತಿಯಲ್ಲಿ ಮಾಯವಾಗಿ ಹೋಗಬಾರದು. ಸಾಹಿತ್ಯ ಜನಗಳ ನಡುವೆ ರಸಸೇತುವೆಗಳನ್ನು ಕಟ್ಟಬೇಕು. ಎದೆಯೊಳಗಿನ ಕಿಡಿಯನ್ನು ಕೆಂಡವಾಗಿ ಮಾಡುವುದು ಹೇಗೆ ಎಂದು ಹೇಳಿದ್ದಾರೆ ಸಿರಿ ಬೆಳಕಿನ ಕವಿ ನಿಸಾರ್ ಅಹಮದ್.  (2018ರ ಅಕ್ಟೋಬರ್ ತಿಂಗಳ ಕೊನೆಯ ಭಾಗದಲ್ಲಿ ಓ ಮನಸೇ ಪತ್ರಿಕೆಗಾಗಿ ನಡೆಸಿದ್ದ ಸಂದರ್ಶನದ ಪೂರ್ಣಪಾಠ ಇಲ್ಲಿದೆ... ) ನಿಮ್ಮ ಮೊದಲ ಕವಿತೆ ಹುಟ್ಟಿದ ಕ್ಷಣ ಮತ್ತು ಅದರಿಂದ ನಿಮಗಾದ ಖುಷಿ 1949ರಲ್ಲಿ ನಾನು ಹೊಸಕೋಟೆಯ ಮುನ್ಸಿಪಲ್ ಹೈಸ್ಕೂಲ್ನಲ್ಲಿ ಓದ್ತಾ ಇದ್ದಾಗ ಈ ಪಠ್ಯ ಪುಸ್ತಕಗಳಲ್ಲಿದ್ದ ಕುವೆಂಪು, ಪಂಜೆ ಮಂಗೇಶ್ ರಾಯರು, ಬೇಂದ್ರೆ ಅವರ ಪದ್ಯಗಳನ್ನು ಅನುಸರಿಸಿ ಬರೆಯಬೇಕು ಎಂಬ ಆಸೆ ಹುಟ್ಟಿಕೊಂಡಿತು. ಆ ಹೊತ್ತಿನಲ್ಲಿ ನಾವೆಲ್ಲ ಸೇರಿ ವನಸುಮ ಅಂತ ಒಂದು ಕೈಬರಹದ ಪತ್ರಿಕೆ ತಂದ್ವಿ. ಅದಕ್ಕೆ ನಾನೇ ಸಂಪಾದಕ. ಆಗ ಎಲ್ಲ ಸೇರಿ ನನ್ನನ್ನು ಹುರಿದುಂಬಿಸಿದ್ದಕ್ಕೆ 'ಜಲಪಾತ' ಎಂಬ ಪದ್ಯವನ್ನು ಬರೆದೆ. 'ಭರ್ ಭರ್ ಎನ್ನುತಾ ಭೋರ್ಗರೆ ಇಕ್ಕುತ ಕಮರಿಯ ಸೇರುವ ಜಲಪಾತ...' ಒಂದಕ್ಕೊಂದು ಸಂಬಂಧವೇ ಇಲ್ಲದ ಬಾಲಿಶ ಕವಿತೆ ಬಿಡಿ ಅದು. ಜಲಪಾತ ಯಾಕೆ ಭರ್ ಅನ್ನುತ್ತೆ ಅ...
ಇನ್ನಷ್ಟು ಓದಿ